blogcentral nú jafn glatað og Sylvía Nótt?

Ég hef ekkert sett inn á síðuna nú um tíma vegna þess að það var gerð breyting á blogginu. Sjálfsagt er margt til batnaðar en það sem er að þessu öllu er að allar tilvísanir hjá mér í valmynd og öðru virkar ekki og er dottið út. Allir linkar á innra efni virka ekki. Eldra efni hefur öllu verið safnað saman neðst á síðunni í númeraðar síður. Ég þarf þá sjálfsagt að setja allt upp aftur ef menn t.d. ætla að skoða sögur eða vísur eða annað hjá mér sem ég hef raðað niður. Ég er verulega óánægður með þetta og spurning hvort ég hætti ekki með síðuna og flyt mig kannski á Moggabloggið þótt mér sé ekki vel við það.

Það má segja að þunnur ís sé á milli forvitninnar og hnýsninnar. Sumir telja að forvitni geti verið jákvæð að því marki þegar hún skapar eitthvað. Eins og t.d minni eða meiriháttar uppgötvanir osfrv. Hnýsni aftur á móti telst vart jákvæð en hún er ein af þjóðaríþróttum íslendinga þegar um náungann er að ræða og jafnvel einhverja persónu sem viðkomandi hnýsnisaðili þekkir lítið eða ekkert...Hinn íslenski gróusögugeiri er sérfyrirbrigði vegna fámennis þjóðarinnar og á upptök sín í gamla tímanum þegar samgöngur voru verri og þegar hægt var að hlusta í sveitasímanum og fleira...Arfur liðinna kynslóða er sem farg í framtíð lifenda...

Nýlega orti ég eftirfarandi vísu um forvitnina:

 

Sankti Jósefsspítali í Hafnarfirði

Við nánari skoðun hjá Dr.Ágústi Kára kom í ljós að öxlin á mér var verr farin en fyrst var álitið. Það eru tvær sinar alveg í sundur m.a. og mun ég lenda á skurðarborði í St.Jósefsspítala eftir nokkrar vikur. Bati er álitlegur eða þannig og mun ég þurfa að vesenast með hægri hendina í fatla í heilar 5 vikur + annað. Þegar ég spurði doktorinn hvar þessi blessaði spítali væri svaraði hann eitthvað á þá leið að hann væri í Hafnarfirði og ég ætti að keyra hina og þessa leiðina þar til ég kæmi að Suðurgötu....Ég sagði þá að ég væri ekki á bíl því bíllinn minn væri í Vökuportinu....Var þá það mál útrætt. Ræddum við svo lyftingar,páver og aflraunir í hálftíma og kvöddumst síðan með virktum...

Jæja, það varð ekkert úr frekari heila og hjartarannsóknum á mér því þegar til kom var hjartalæknirinn sem ég var sendur til dauður og gat ekki tekið á móti mér að sinni....!

Aftur á móti hefur komið í ljós að liðbönd í öxlinni eru illa farin og ein sin í sundur...fer að öllum líkindum undir hnífinn eftir helgi hjá þeim lækni sem margir telja færastan hér á landi í íþróttameiðslum og skurðaðgerðum þeim tengdum.,Sem sagt Ágústi Kárasyni fyrrverandi lyftingameistara sem á 145 í snörun og 187,5 í jafnhendingu þá kornungur en læknisfræði stundaði Ágúst um árabil í Svíþjóð við mjög góðan orðstír og hefur opnað eigin fullkomna læknastofu í Reykjavík.
Allavega var mér sagt að aðeins tveir læknar á klakanum gætu átt við þessi meiðsli mín og hugsanlega lagað þau og Ágúst er annar þeirra. Þegar ég talaði við Ágúst áðan reiknaði hann með að taka mig inn á mánudag jafnvel...

Maður verður bara að vona hið besta á nýja árinu eftir læknisrannsóknirnar í lok gamla ársins...Þetta er samt ekki auðveldur tími að bíða eftir því að verða kallaður í uppskurðinn...Gamla Magisters öxlin er sannarlega illa farin....Axlarmeiðslin eiga einmitt 10 ára afmæli núna. Vona samt að þetta verði drifið af í janúar...illu er best aflokið....Sá frasi þykir alltaf góður en um endirinn spyr maður...???? (Heimilislæknir minn Dr.Power heldur alltaf að ég sé að drepast á hverri stundu,hvað þá að fara undir hnífinn....!)

Jólasveinkur ein og átta
ofan koma til að hátta....

 

-

 

 

 

JÓLALJÓS

Þessi ljós munu lýsa
og léttum sálum vísa
veginn til efstu hæða.

Það er raun að rata
um regindjúp innstu hvata
á meðan hjörtun blæða.

Á höfgu ljósi að halda
hver sál þarf um dali kalda,
því eftir fjöru mun flæða.

Hvert eitt lítið ljós
er lýsir upp höll og fjós,
ber hamingju innan klæða.


KE.

Gústaf Agnarsson

Það er ljóst að með fráfalli Gústafs Agnarssonar er horfinn á braut mikil íþróttaahetja sem verður fyrst og fremst minnst fyrir afrek í lyftingum en einnig í kraftlyftingum og frjálsíþróttum.
Ég minnist þess að þegar við Gústi vorum að spreyta okkur í gamla Ármannskofanum við Sigtún undir leiðsögn Gvendar Sig. og Óskar Sigurpálss. þá vorum við báðir næsta grannir. Gústi var hávaxinn en aðeins um 72kg að þyngd en ég var lítill og léttur um 49kg að þyngd.Báðir áttum við eftir að þyngjast vel um 35-40kg. Munurinn var sá að Gústi gerði það á 2-3 árum en ég á 37 árum!. Gústi tók lyftingarnar snemma föstum tökum bæði vitsmunalega og æfingalega. Hann æfði gífurlega vel og skipulega,eitthvað sem ég spáði ekki í fyrr en 8-9 árum síðar. Gústi varð gífurlega góður sem unglingur í lyftingum og 19 ára fór hann að bæta Íslandsmet Óskars Sigurpálssonar sem vakti mikla athygli hér á landi. Í framhaldinu varð hann síðan Norðurlandameistari unglinga í þungavigt 1972 en þá snaraði hann 140kg og jafnhenti 167,5kg. Hann snaraði einu sinni yfir heimsmeti unglinga 160,5kg en fékk það ekki staðfest vegna reglubreytinga.Gústi varð einnig tvisvar Norðurlandameistari fullorðinna og á öðru þessara móta gerði hann sér lítið fyrir og páverklíndi (í einum rykk upp á brjóst) heil 200kg! en aldrei hafði slíkt sést á Norðurlöndum og víðar

.Gústi var einnig valinn í Evrópu úrval lyftingamanna,einn Norðurlandabúa sem þótti mikil upphefð og var hann oft á lista yfir 10 bestu íþróttamenn Íslands. Bestu þyngdir Gústa í keppni voru 170 í snörun og 210kg í jafnhendingu. Hvorutveggja Íslandsmet og enn það mesta sem nokkur íslendingur hefur lyft í þessum greinum og reyndar enginn nálgast það. Gústi varð margoft Íslandsmeistari í lyftingum og kraftlyftingum. Hann og Óskar Sigurpálsson eru þeir einu sem hafa verið sterkastir manna hér á landi í einstakri grein beggja íþróttanna. Árið 1975 lyfti Gústi sérlega glæsilega 315kg Íslandsmeti í réttstöðulyftu á Meistaramóti KR og varð það mönnum eftirminnilegt.

Íþróttaferill Gústa náði einnig til frjálsíþrótta þar sem hann varð um árabil ósigrandi í langstökki án atrennu og endaði Íslandsmeta feril sinn þar með stökki upp á 3,44 m. Það met stóð í mörg ár þar til annar lyftinga og kraftlyftingakappi Flosi Jónsson bætti það í 3,45 m. og stendur það enn óhaggað. Þegar íþróttaferli Gústa lauk 1980 fór hann að reka þekkta Likamsræktarstöð í Kjörgarði með góðvini sínum Gvendi Sig. Þeir vinirnir voru miklir hugsuðir á ýmsum andlegum sviðum og studdi Gvendur Gústa mikið á lífsleiðinni,jafnt á meðan keppnisferlinum stóð og eftir hann eins og hann hefur gert við undirritaðan og verður það seint fullþakkað.
Við samferðamenn Gústafs Agnarssonar munum aldrei gleyma þessum afreksmanni sem æfði meira en flestir og fór sínar eigin leiðir og náði frábærum árangri. Vonandi mun nafn hans geymast um ókomna tíð.

 

KE.

 

 

Saga eftir Kára magister sem birtist fyrst á Kraftaheima vefnum nýlega. Fyrri hlutinn birtist þar líka en ýmsar sögur af Kraftaheimum má finna hér á vefnum líka.

ÓBOÐNIR GESTIR 2.HLUTI. 

Brekkugata 5 rétt við Ráðhústorgið á Akureyri er nokkuð reisulegt hús í gömlum óræðum stíl. Þegar þessi saga gerðist á árinu 1990 var barnafatabúð á jarðhæðinni. Á fyrstu hæðinni var talmeinastofa og Gallerí Allrahanda, hvorutveggja í eigu skemmtilegrar stútungskellingar,Þórunnar að nafni sem kenndi börnunum á daginn í Talmeinastofunni að segja: aa og úú .. Söngluðu þau þetta stundum daginn út og inn svo húsvörðurinn á þriðju hæðinni fékk allrahanda martraðir á daginn þegar hann svaf. Húsvörður þessi var enginn annar en Sir Magister Cat. Hafði hann þar eina hæð til afnota en bjó með svarta ruslapoka fyrir gluggunum í eina herberginu sem rafmagn og hiti var í. Klósett og vaskur var á hæðinni fyrir neðan. Nokkuð brattur stigi með fúnum þrepum hér og þar lá upp á efstu hæðina til Magisters. Á þessum tíma vann Magister á næturvöktum í Ullarverksmiðju SÍS sem var alltaf að fara á hausinn og aldrei að vita hvenær menn voru reknir og ráðnir aftur hjá nýjum eigendum en það gerðist þrisvar sinnum en í fjórða skiptið þurfti enginn að mæta framar.....

Eina hlýja sumarnótt þegar rökkrið var tekið að hörfa undan notalegum þrýstingi dagsbirtunnar klukkan 6 að morgni sunnudags vaknaði nýsofnaður húsvörðurinn upp við að þung högg buldu á hæðinni fyrir neðan....Það hljómaði eins og verið væri að sparka í hurð eða vegg eða eitthvað....

Magister vissi um leið að innbrotsmaður væri kominn inn í húsið....Höggin dundu nú á hurð beint fyrir neðan svefnstað Magisters....Hann brá sér í bardagavæna skó og læddist fram á skörina og leit niður brattan stigann...Sá hann þá hvar maður einn skeggjaður og úfinn var að sparka í hurð að Talmeinastofunni....Virtist svo sem hann héldi á hnífi eða skrúfjárni í annarri hendinni..."Hann skal ekki komast upp með þetta helvískur!" hugsaði Magister "Ég verð að yfirbuga þennan svepp!"

Það var ekki hægt að læðast niður fúinn og brakandi stigann svo Magister þaut niður stigann í þremur stökkum á ógnarhraða....Allan tímann horfði hann á hið óljósa vopn í hendi mannsins og rétt þegar innbrotsmaðurinn leit upp frá verki sínu kastaðist Magister á hann á fleygiferð og læsti kattarklónum um úlnið þann sem hélt á  því sem kom í ljós síðar að var skrúfjárn...Hin tígrisloppan greip um háls hins óvelkomna gests sem sveigðist í hrikalegri bakfettu yfir kommóðu sem stóð þarna saklaus í ganginum..."Hvern djöfullinn þykist þú vera að gera?" hvæsti Magister að mannkertinu sem náði varla andanum...Skrúfjárnið féll úr máttvana hönd og maðurinn korraði upp úr sér: "Ég,ég, er maðurinn hennar Þórunnar sem á stofuna og Galleríið!" Magister leit betur á skuggasveininn og þekkti þar eiginmanninn því þeir höfðu sést áður. "Hvað ertu að gera hér klukkan sex að morgni?" spurði Magister um leið og hann sleppti tökunum. "Ég er að ná í hluti fyrir Þórunni en ég gleymdi lyklunum heima!" stundi manngreyið upp úr sér um leið og hann nuddaði á sér helaumt bakið. "Fyrst að svo er á ég þá ekki að hjálpa þér að brjóta upp hurðina?" spurði Magister hjálpsamur því hann var kominn með smá móral yfir meðferðinni á manninum. Eiginmaðurinn þáði þetta kostaboð. Magister tók þá létt tilhlaup og sparkaði það fast í hurðina að hún þeyttist upp svo að karmurinn endasentist í vegginn á móti...Eiginmaðurinn sem var reyndar aðeins búinn að undirbúa verkið horfði skelfdur inn um gættina og þakkaði svo hæversklega fyrir aðstoðina. Hinn hjálpsami húsvörður yfirgaf vettvanginn þar með og fór síðan aftur að sofa....

Eftir helgina hitti Magister frú Þórunni sem nánast gargaði : "Ætlaðir þú að drepa eiginmann minn eða hvað?... Hann er að drepast í bakinu og er rúmfastur eftir þig!"

 

Í kjölfarið af umræðunni um 10 litla negrastráka bókina fyrir nokkru síðan hefur Baggalútur
samið vísuna um 10 kátu Kynvillingana. Þetta er geysivinsæll bragur og hefur Menningarsíðan verið beðin um að birta þennan snilldarlega samsetning....



Kynvillingar fóru á krá,
kenndir, allir tíu
einn var tekinn aftanfrá,
og eftir voru níu.

Níu litlir nárakjassar
nutu þess að hátta
einn fékk skæða sárasótt
þá sátu eftir átta.

Átta hýrir hommatittir
hittust klukkan tvö
einn tók fullstórt upp í sig
eftir voru sjö.

Sjö graðir gleðipinnar
gláptu á XXX
einn þeirra sprakk úr spenningi
spólunni skiluðu sex.

Sex blíðir attaníossar
æfðu sig í rimm
einn fékk sig fullsaddan
sáttir voru fimm.

Fimm æstir analistar
urðu flennistórir
einn féll þá í yfirlið
eftir voru fjórir.

Fjórir sætir sykurpúðar
sungu "ég er hýr"
einn var kýldur klessu í
komust undan þrír.

Þrem bústnum bossahossum
bauðst að hnoða leir
einn fékk af því standpínu
eftir sátu tveir.

Tveir baldnir borusnúðar
bögguðu ekki neinn
en öðrum var gert að gifta sig
gekk þá áfram einn.

Einn kenghýr kynvillingur
komst víst aldrei heim
en ekki hafa áhyggjur
það er víst nóg af þeim!

 

Vefsíðu Baggalúts má finna HÉRNA

Glettilegir undirvagnar eru ómetanlegir til menningar 

Matta....

Hæna þessi sem er svona flassandi um kassann er í nýstofnuðu hænsnabúi Jóa Omegakrafts fyrir austan fjall og mána. Það fyrsta sem Jóa datt í hug þegar hann eignaðist þessa efnilegu hænu var að skíra hana í höfuðið á Matthildi Hólmbergsdóttur sambýliskonu Magisters sem venjulega er kölluð Matta meiriháttar. Þegar Jói fær sér hana er talið að hann verði skírður Sir Magister...Þetta er svoldið sérstök mynd en Jói hefur unnið nokkrar ljósmyndakeppnir og er snjall hirðljósmyndari. Myndin birtist á ljósmyndasíðu hans HÉRNA

Bókaútgáfan Hólar hefur nú hafið nýja ritröð af gamansögum eftir Guðjón Inga Eiríksson og og heitir sú fyrsta einfaldlega Íslenskar gamansögur 1. Í upphafskafla bókarinnar eru 5 blaðsíður með sönnum sögum af Kára magister í næturvarðar djobbinu á Grund. Forstjóri Grundar hafði áður gefið leyfi til útgáfunnar. Örnólfur Thorlacius fyrrverandi rektor hefur einnig lesið þær sögur upp opinberlega og hafa þær fengið frábærar viðtökur….Meira um bókina má finna HÉRNA